नेपाल सुपर लिग फुटबलमा धनगढी एफसीको विजयी सुरुवात

साविक विजेता धनगढी एफसीले नेपाल सुपर लिगमा विजयी सुरुवात गरेको छ ।
त्रिपुरेश्वरस्थित दशरथ रङ्गशालामा आज भएको खेलमा बुटवल लुम्बिनी एफसीलाई ४–१ गोलअन्तरले पराजित गर्दै धनगढी विजयी भएको हो
धनगढीलाई जित दिलाउन अहमद हिजाजीले दुई गोल गरेका थिए । यस्तै कृतिशरत्न छुन्जु र जर्जप्रिन्स कार्कीले समान एक/एक गोल गरे । बुटवलका लागि केन्टा हाराले एक गोल फर्काए ।
आफ्नो पहिलो खेलमा झापा सँग बराबरी खेलेको बुटवलको भने यो पहिलो हार हो ।
लिगमा भोलि ललितपुर सिटि र पोखरा थन्डर्सबीच खेल हुनेछ ।