नामिबियालाई हराउँदै अष्ट्रेलिया आइसिसी टि–२० विश्वकप २०२४ को सुपर आठमा पुगेको छ ।
वेस्टइन्डिजको सरभिभियन रिचर्ड्स रङ्गशालामा भएको खेलमा नामिबियालाई नौ विकेटले पराजित गर्दै अष्ट्रेलियाले विश्वकपको सुपर आठमा आफ्नो स्थान पक्का गरेको हो ।
लगातर तेस्रो जित निकालेको अष्ट्रेलिया एक खेल बाँकी छँदै ६ अंकसहित विश्वकपको सुपर आठमा पुगेको हो ।
जितका लागि दिएको ७३ रनको सामान्य लक्ष्य पछ्याएको अष्ट्रेलियाले पाँच दशमलव चार ओभरमा एक विकेट गुमाउँदै पूरा गर्यो । अष्ट्रेलियाका लागि ट्रविस हेडले सर्वाधिक ३४ रनको योगदान दि । त्यस्तै डेविड वार्नरले २० जोड्दा कप्तान मिचेल मार्सले १८ रन बनाए । नामिबियाका डेविड विजाले एक विकेट लिए ।
त्यसअघि टस हारेर पहिला ब्याटिङको गरेको नामिबिया १७ ओभरमा सबै विकेट गुमाउँदै ७२ रनमा समेटिएको थियो । नामिबियाका लागि कप्तान जेराल्ड इरास्मसले सर्वाधिक ३६ रनको योगदान दिए । त्यस्तै माइकल भान लिंगेनले १० रन बनाउनुबाहेक अन्य खेलाडीले दोहोरो अङ्कमा रन बनाउन सकेनन् ।
