फागुन १४, सुर्खेत ।
उच्च अदालत सुर्खेतले तेस्रो कर्णाली एक्सपो २०८० सञ्चालनको गर्नेबाटो खोलिदिएको छ ।
उच्च अदालत सुर्खेतका मुख्य न्यायधिश लोहित चन्द्र शाह र न्यायधिश खड्क बहादुर के.सीको संयुक्त इजलाशले मेला सम्बन्धी अन्तरिम आदेश जारी नहुने फैसला गरेसँगै महोत्सव सञ्चालनको बाटो खुलेके हो ।
अदालतले सोमबार कर्णाली एक्सपोको पक्षमा फैसला गरेको हो ।
अदालतद्वारा जारी फैसलामा भनिएको छ,‘कर्णाली एक्सपो २०८० फागुन १४ देखि २२ गतेसम्म सञ्चालन हुने स्थल खेल मैदान, मेला र महोत्सव गर्ने भन्ने रहेको र बाल मन्दिर विद्यालयको पठनपाठन सकिएर २०८०/१२/१ देखि परीक्षा सञ्चालन हुने भन्ने देखिँदा यस अदालतबाट मिति २०८०।११।११।३ मा भएको अल्पकालिन अन्तिरिम आदेशलाई निरन्तरता दिइरहनु परेन ।’
प्रकाशबाबु ऐ.डी ले वीरेन्द्रनगरनगरपालिका र सुर्खेत उद्योग बाणिज्य संघलाई विपक्ष बनाई रिट निवेदन दायार गरेका थिए ।
सोमबार निवेदकका तर्फबाट उपस्थित बरिष्ठ अधिवक्ता भूषण कुमार मानन्धर तथा अधिवक्ता प्रकाशबाबु ऐडी, दुर्गा प्रसाद सापकोटा, मातृका प्रसाद खनाल, गिता कुमारी कोइराला, विनोदमणी भट्टराई, लबन न्यौपाने र शेरबहादुर खत्रीले बहस गरेका थिए भने विपक्षी वीरेन्द्रनगर नगरपालिकाको कार्यालय सुर्खेत समेतका तर्फबाट अधिवक्ता कृष्ण बहादुर हमाल, ध्रुव कुमार श्रेष्ठ र उत्तम प्रसाद आचार्यले बहस गरेका थिए ।
सुर्खेतको वीरेन्द्रनगरमा कर्णाली एक्सपो भोलीबाटै सञ्चालन हुने बताइएकाे छ । आयोजक सुर्खेत उधोग बाणिज्य संघले सोमबार पत्रकार सम्मेलन गरेर महोत्सव सञ्चालन हुने जनाएको छ ।
महोत्सवको उद्घाटन नेपाल सरकारका उपप्रधानमन्त्री तथा रक्षामन्त्री पुर्ण बहादुर खड्का भोली मध्यान्ह १२ः ३० बजे गर्ने सुउवासंका अध्यक्ष लक्ष्मण कंडेलले बताए । भोली विहान ११ बजे मंगलगडी चोकबाट झाँकी सहित र्याली निकालिने उनले बताए। यस्तै साढे १२ बजेबाट महोत्सवको उद्घाटन भएपछि अन्य कार्यक्रमहरू पनि सञ्चालन गरिने अध्यक्ष कंडेलले जानकारी दिए।
