![](https://makalupost.com/wp-content/uploads/2024/07/Screenshot-2024-07-02-222004.png)
आईसीसी क्रिकेट विश्वकप लिग–२ त्रिकोणात्मक एक दिवसीय शृङ्खलाअन्तर्गत आफ्नो दोश्रो खेलमा नेदरल्यान्डमाथी नेपालले सानदार जित निकालेको छ ।
शनिबार टियु क्रिकेट मैदानमा भएको खेलमा नेपाल ९ विकेटले विजयी भएको हो ।
नेदरल्यान्डले दिएको १३८ रनको लक्ष्य नेपालले १५ ओभर २ बलमा मात्रै १ विकेटको क्षतिमा पूरा गर्यो ।
![](https://makalupost.com/wp-content/uploads/2024/02/1708157579858-300x200.jpg)
नेपाललाई जित दिलाउन अनिलकुमार शाह र आसिफ शेखले अर्धसतकिय पारी खेलेका थिए । शाह ५७ र शेख ५४ रनमा अविजित रहे । यस्तै, कुशल भुर्तेलले ११ बलमा २८ रन बनाएर आउट भएका थिए ।
यसअघि टस हारेर पहिला ब्याटिङको गरेको नेदरल्यान्ड ३९ ओभरमा १३७ रनमा समेटिएको थियो ।
नेदरल्यान्डका लागि कप्तान स्कट एडवार्डसले सर्वाधिक ३३, साइब्रान्ड एंगलब्रेक्ट २३, बास डे लिड २७,नोआह क्रोस १२,म्याक्स ओ’डाउडले १० रन बनाय ।
![](https://makalupost.com/wp-content/uploads/2024/02/1708157607509-200x300.jpg)
नेपालका स्पिनर कुशल भुर्तेलले सर्वाधिक ४, ललिल राजवंशीले २, सोमपाल कामी र कप्तान रोहित पौडेलले एकएक विकेट लिएका थिए ।
पहिलो खेलमा नेपाल नामिबियासँग पराजित भएको थियो ।
![](https://www.onlinekhabar.com/wp-content/uploads/2022/10/Onliine-Khabar-Desktop-900x100-1.gif)