जारी इन्डियन प्रिमियर लिग (आईपीएल) क्रिकेटमा दिल्ली क्यापिटल्सले आफ्नो अपराजित यात्रा कायमै राखेको छ । शनिबार दिउँसो भएको खेलमा चेन्नई सुपर किङ्सलाई २५ रनले पराजित गर्दै दिल्लीले लगातार तेस्रो जित निकालेको हो ।
दिल्लीले दिएको १८४ रनको लक्ष्य पछ्याएको चेन्नई पूरा ओभर खेल्दै ५ विकेटको क्षतीमा १५८ रनमै समेटिएको हो ।
चेन्नईका लागि विजय शंकरले सर्वाधिक ६९ रन बनाए ।
यस्तै महेन्द्रसिंह धोनी २५ रनमा अविजित रहे ।
दिल्लीका लागि विपराज निगमले २ विकेट लिए,साथै मिचेल स्टार्क, मुकेश कुमार र कुलदीप यादवले समान १-१ विकेट लिए ।
त्यसअघि टस जितेर पहिले ब्याटिङ रोजेको दिल्लीले २० ओभरमा ६ विकेट गुमाएर १८३ रनको योगफल तयार पारेको थियो ।
ओपनर केएल राहुलले सर्वाधिक ७७ रन बनाएका थिए । यस्तै,अभिषेक पोरेलले ३३ रन बनाउँदा ट्रिस्टन स्टब्स २४ रनमा अविजित रहे । चेन्नईका खलील अहमदले २ विकेट लिए । रविन्द्र जडेजा, नूर अहमद र मथिसा पथिरानाले समान १-१ विकेट लिएका थिए ।
आजको जितसँगै दिल्ली ६ अंकका साथ अंकतालिकामा शीर्षस्थानमा उक्लिएको छ ।
४ खेल खेलेको चेन्नई २ अंक सहित आठौं स्थानमा छ ।
