आइपिएल : बैङ्लोरको पहिलो हार

इन्डियन प्रीमियर लिगमा रोयल च्यालेन्जर्स बैङ्लोरले सिजनको पहिलो हार बेहोरेको छ ।
हिजो राती सम्पन्न खेलमा बैङ्लोर गुजरात टाइटान्ससँग ८ विकेटले पराजित भएको हो ।
जितको लागि १ सय ७० रनको विजयी लक्ष्य पछ्याएको गुजरातले जम्मा २ विकेटको क्षतीमा १७ ओभर ५ बलमा भेटाएको हो । गुजरातलाई जित दिलाउन जस बटलरले सर्वाधिक ७३ रनको योगदान दिएका दिए । यस्तै साइ सुदर्शनले ४९ र शेरफेन रदर्फर्डले ३० रन बनाए ।
यसअघी टस हारेर पहिले ब्याटिङ गरेको बैङ्लोरले पुरै ओभर खेल्दै ८ विकेटको क्षतीमा १ सय ६९ रन जोडेको थियो । बैङ्लोरको लागि लायम लिभिङ्स्टोनले ५४ रन बनाए । यस्तै जितेश शर्माले ३३ र टिम डेभिडले ३२ रन बनाए ।