मोरिससविरुद्ध पहिलो हाफमा नेपालको अग्रता

मोरिससविरुद्धको दोश्रो मैत्रीपूर्ण खेलको पहिलो हाफ सकिदासम्म नेपालले अग्रता बनाएको छ। खेलको १० औं मिनेटमा पुजन उपरकोटीको पासमा सुजल श्रेष्ठले गोल गर्दै नेपाललाई अग्रता दिलाएका हुन ।
नेपालले गोल गरेलगत्तै खेलको ११ औं मिनेटमा मोरिससले पेनाल्टीको मौका पाएपनि गोल भने गर्न सकेन ।
मोरिससका कप्तान एन्डी सोफीले गरेको पेनाल्टी प्रहार नेपाली टिमका कप्तान तथा गोल रक्षक किरण चेम्जोङले बचाएका थिए ।

यसअघि शनिबार भएको पहिलो मैत्रीपूर्ण खेलमा नेपाल १–० ले विजयी भएको थियो। उक्त खेलमा विमल घर्तीमगरले निर्णायक गोल गरेका थिए ।