काठमाडौंमा आजबाट सुरु भएको एसीसी प्रिमियर कपमा नेपालले सानदार सुरुआत गरेको छ ।
प्रतियोगिताको पहिलो खेलमा नेपालले मलेसियालाई ६ विकेटले पराजित गरेको हो ।
मलेसियाले दिएको २ सय ३६ रनको लक्ष्य नेपालले ३६ दशमलब २ ओभरमा मात्रै ४ विकेट गुमाएर पूरा गरेको थियो ।
नेपालका लागि कुशल मल्लले ७० र भिम सार्कीले ७१ रनको अर्धशतकीय ईनिङ खेलेका थिए ।
यस्तै,कप्तान रोहितकुमार पौडेलले ४२ तथा कुशल भुर्तेलले ३८ रन बनाए ।
मलेसियाका लागि विजय उन्नी,विरनदिप सिंह,मोहम्मद वाफिक र रिजवान हैदरले समान १/१ विकेट लिए ।
त्यसअघि टस जितेर पहिले ब्याटिङ गरेको मलेसियाले ५० ओभरमा ९ विकेट गुमाएर २ सय ३५ रन बनाएको थियो ।
मलेसियाका लागि अहमद फैजले सर्वाधिक ७६ रनको योगदान दिए ।
विरन्दिप सिंहले ४६ रन बनाउँदा ओपनर मोहम्मद अमिर १७ रनमा आउट भए ।
नेपालका लागि सोमपाल कामी र सन्दीप लामिछानेले समान ३/३ विकेट लिए । ललित नारायण राजवंसी २ तथा गुल्सन झाले १ विकेट लिए ।
आफ्नो दोश्रो खेल नेपालको वैशाख आठ गते ओमानविरुद्ध खेल्ने छ ।
